وحشتنى

أنت واقف بعيد ليه ؟

طبعا مكسوف من عملتك 

طيب أنا هقربلك ....... خطوة يا أسى تبعد كل دا .......... خطوة وحشتنى يا غلس ........... بحبك لأخر عمرى وبعد عمرى

قربنا قوى كدا ها 

طيب أيه رأيك أقرصك فى خدك ولا أملسلك ودنك عشان تحرم تبعد عنى والله لو تعرف ببقى أزاى من غيرك كنت خدتنى جنبك ومابعدتش أبدا

وحشتنى قد كل العشاق اللى أشتاقو 

تعرف أنى بحس أنك جوايا 

ماتسألنيش أزاى ؟ ماهو أكيد أنا جواك 

ساعات بحس أنى بميت راجل وأفوت فى الحديد وأعرف أعمل تلات أربع حاجات فى نفس الوقت وأروح مشاوير من الشرق للغرب

ساعتها بحس أن روحك معايا بتقوينى ربننا يخليك ليا ياحبيبى ويحميك 

وساعات بحس بضعفى إليك وقد أيه أنى بحب الضعف دا

بحبك تكون ملاذى وعزوتى وأمانى 

بحب رجولتك لما تطلعها عليا وتحسسنى قد أيه أنا محتجاك فى حياتى

بحبها وبحترمها وبقدرها وفاهمة قد أيه مش من السهل تكون راجل وتحافظ على الرجولة دى بكل معانيها

مأنا برضه عندى أنوثتى اللى معتزة بيها ومخبياها بس ليك

أنت وبس اللى من حقك تشوف الدلع والمياصة اللى ببقى فيها لما بحس بيك معايا

شوفت بقى بعدك بيحرمك من حاجات كتير أزاى 

وبيخلى شمسى تغيب .............. ماهى عينيك نور حياتى النور اللى بشوف فيه أحلامى كلها قدامى

يااااااااااااااه دى عينيك لوحدها عايزة كتاب أوصف فيه أحساسى لما بغرق فيهم

المرة الجاية بقى 

بس ماتتأخرش عليا